മാലാഖമാരുടെ ദൃശ്യങ്ങൾ അവന്റെ ഭാവി കുരിശു മരണത്തിന്റെ പ്രവചനമായിരുന്നു. ഭയന്നുവിറച്ച കുട്ടി സംരക്ഷണത്തിനായി അമ്മയുടെ അടുത്തേക്ക് ഓടി. അമ്മ തിടുക്കത്തിൽ അവനെ എടുത്ത് തന്റെ മടിയിൽ ചേർത്തു. യേശുവിന്റെ കൈകൾ മറിയത്തിന്റെ വലതു കൈ മുറുകെ പിടിക്കുന്നു. അവളോടുള്ള നമ്മുടെ പ്രാർത്ഥനയിൽ നമുക്ക് അർപ്പിക്കാൻ കഴിയുന്ന വിശ്വാസത്തെ ഇത് കാണിക്കുന്നു. മറിയത്തിന്റെ കൈകളിൽ അമർത്തിപ്പിടിച്ച ക്രിസ്തുവിന്റെ കൈകൾ നമ്മെ ഓർമ്മിപ്പിക്കുന്നു, അവൻ തന്നെത്തന്നെ സംരക്ഷണത്തിനായി അവളുടെ കൈകളിൽ ഏൽപ്പിച്ചതുപോലെ, ഇപ്പോൾ അവൻ നമ്മെ മറിയത്തിന്റെ ആർദ്രവും സ്നേഹനിർഭരവുമായ പരിചരണത്തിൽ ഏൽപ്പിക്കുന്നു. നിങ്ങളെ സഹായിക്കാൻ ആരുമില്ലാതെ നിങ്ങൾ ഒറ്റയ്ക്കാണെന്ന് എപ്പോഴെങ്കിലും തോന്നിയിട്ടുണ്ടോ? ആ സമയങ്ങളിൽ നിത്യ സഹായ മാതാവിന്റെ ചിത്രം കണ്ടു ധ്യാനിക്കുക . യേശുവിനെപ്പോലെ, നിങ്ങൾ കൈകൾ നീട്ടി സംരക്ഷണത്തിനായി അമ്മയുടെ കൈകൾ മുറുകെ പിടിക്കുന്നതായി സങ്കൽപ്പിക്കുക.
എന്റെ രാജ്ഞി, അങ്ങ് ആത്മാക്കളെ ദൈവത്തിലേക്ക് നയിക്കുന്നു. അമ്മ എന്നെ കൈപിടിച്ച് വഴിനടത്തിയില്ലെങ്കിൽ എനിക്ക് ദൈവത്തോട് ചേർന്ന് നില്ക്കാൻ കഴിയില്ല. എന്റെ അമ്മേ, എന്നെ യേശുവിനോട് ചേർത്ത് നിർത്തണമേ. ഞാൻ എതിർക്കുകയാണെങ്കിൽ, ബലം പ്രയോഗിക്കുക. നിന്റെ ദയയാൽ എന്റെ ശാഠ്യത്തെ മയപ്പെടുത്തേണമേ. ലൗകിക കാര്യങ്ങളിൽ നിന്ന് എന്നെ വിടുവിച്ചു ദൈവ ഹിതത്തിനനുസരിച്ചു ജീവിക്കാൻ എനിക്ക് വേണ്ടി പ്രാർത്ഥിക്കണമേ . അമ്മയുടെ മകനിൽ നിന്ന് അമ്മ ആവശ്യപ്പെടുന്നതെന്തും എല്ലായ്പ്പോഴും ലഭിക്കും. എന്റെ പാപങ്ങൾ പൊറുക്കാനും മരണം വരെ ദൈവ സ്നേഹത്തിൽ നിൽക്കാനും യേശുവിനോടു അപേക്ഷിക്കുക. മറിയമേ, നീ എന്റെ അഭിഭാഷകയാണ് . ദൈവവ മകനായി എന്നെ മാറ്റണമേ . എന്റെ അമ്മെ എന്റെ ആശ്രയമേ . ആമേൻ.
